ANG BIBLIA: TANGLAW SA ATING LANDAS (The Bible: Light Upon Our Way)

Awit 119:105

Salita mo'y isang tanglaw na sa akin ay patnubay, sa landas kong daraanan, liwanag na tumatanglaw.

Ang Awit 119 ay itinuturing na MAGNUM OPUS o GREAT WORK na nagpupuri sa Kautusan ng Diyos. Nais ng Psalmista na iluklok ang TORAH o KAUTUSAN ng Diyos bilang sentro sa lahat ng buhay ng tao.

Sa madilim na landasin ng buhay sa mundo, ang Kautusan ng Diyos at ang pagsunod dito ang siyang patnubay upang magtagumpay at magkaroon ng kagalakan sa buhay.

1. Kilalanin natin ang Salita ng Panginoon bilang gabay, at italaga natin ang ating mga sarili na sundin ito. vv- 105-106

2. Idalangin natin na ipagkaloob sa atin ang tulong ng Diyos sa panahon ng ating mahigpit na kalagayan sa buhay. vv 107-110

3. Italaga natin ang ating mga sarili sa pagsunod sa kautusan habampanahon. vv 111-112

Bilang kapahayagan ng pagpapahalaga sa Biblia, ang pagsisimula ng taong 2017 ay magandang pasimula upang italaga ang sarili at panahon upang basahin ang Biblia, at maging source ng guidance sa pang-araw-araw na buhay.

Salita mo'y isang tanglaw na sa akin ay patnubay, sa landas kong daraanan, liwanag na tumatanglaw.

PURIHIN ANG PANGINOON.

-----------------------------------------------------------------------------------

Go Back to Website
--------------------

Keep the Torch Burning

January 22, 2017

Keep the TORCH Burning - 2 Timothy 4:1-8

                    Inilarawan ni Apostol Pablo ang kanyang naging buhay paglilingkod. Ito na marahil ang kanyang huling sulat bago siya hatulan at mamatay sa Roma, sa panahon ng pag-uusing sa mga mananampalataya ni Emperador Nero.
                    Magkagayon man, si Pablo ay hindi kinakitaan ng panghihina o panlulupaypay, sa halip pinalakas pa ang loob ni Timoteo.
                    Keep the TORCH burning. Ang tagubilin ni Pablo kay Timoteo at maging sa ating mga mananampalataya ay nakapaloob sa acronym na TORCH.

T- RUTH... Ang katotohanan ay ang Salita ng Diyos. Ipangaral mo ang Salita ng Diyos; pagsikapan mong gawin iyan napapanahon man o hindi. (2 Tim 4:2)

O- BEDIENCE... Ang pagsunod na nais ng Diyos ay ang "Gampanan mo ang tungkulin ng isang mangangaral ng Magandang Balita at tuparin mo ng lubos ang iyong paglilingkod." (2 Tim 4:5)

R- ELEVANCE...Ito ay tumutukoy sa pangangaral o paglilingkod na umuugnay sa kasalukuyang kalagayan ng buhay o lipunan. Ipangaral ang Salita napapanahon man o hindi. (2 Tim 4:2)

C- HRIST CENTEREDNESS... Ang atas sa mga mananampalataya ay nagmula sa Panginoong Jesus. Siya ang ating dakilang halimbawa sa paglilingkod at pagtupad sa ating tungkulin. (2 Tim 4:1)

H- ONOR... Kung tatapusin natin ang takbuhin nang may pagtatapat, ang pangako ng Diyos ay ang korona ng gantimpala para sa mga namuhay ayon sa kalooban ng Diyos. (2 Tim 4:8)

                    Sa Linggong ito, kilalanin natin ang ministeryo ng IEMELIF Bible College. Sa nakaraang 70 taon, ginamit ng Panginoon ang Instituto Ministerial at Layko at ang IEMELIF Bible College upang maging sentro ng pagsasanay at paghubog sa mga mag-aaral na nais pumasok sa ubasan ng Panginoon. Mula noon ay marami nang naging bunga ang paaralang ito. IBC kept the TORCH of Truth, Obedience, Relevance, Christ- Centeredness and Honor burning up to this day.

PURIHIN ANG PANGINOON.

-----------------------------------------------------------------------------------

Go Back to Website
--------------------

ANG MGA KATANGIAN AT KAPAKINABANGAN NG SALITA NG DIYOS (Qualities and Benefits of the Word of God)

ANG MGA KATANGIAN AT KAPAKINABANGAN NG SALITA NG DIYOS (Qualities and Benefits of the Word of God)

Awit 19:7-10

7- Ang kautusan ng Panginoon ay sakdal, na nagsasauli ng kaluluwa: ang patotoo ng Panginoon ay tunay, na nagpapapantas sa hangal.

8- Ang mga tuntunin ng Panginoon ay matuwid, na nagpapagalak sa puso: ang utos ng Panginoon ay dalisay, na nagpapaliwanag ng mga mata. 

9- Ang takot sa Panginoon ay malinis, na nananatili magpakailan man: ang mga kahatulan ng Panginoon ay katotohanan, at lubos na matuwid.

10- Mga pinipitang higit kaysa ginto, oo higit kaysa maraming dalisay na ginto: lalong mainam kaysa pulot, at sa pulot- pukyutan.

Ang Awit 19 ay isinulat ni Haring David upang ilarawan kung paanong ang pahayag o "revelation" ng Diyos ay masusumpungan sa pamamagitan ng Kanyang nilikha at ng kautusan. Isa rin ito sa mga "wisdom psalms" sa Aklat ng Awit dahil sa pagpapahalaga nito sa kautusan ng Diyos, at sa patnubay na ibinibigay nito sa tao. Ang Awit 19 ay masasabing isa sa mga greatest poems sa Aklat ng Awit.

Ang mga katawagan sa Salita ng Panginoon na mababasa sa Awit 19:7-9 ay nagbibigay ng emphasis sa kahalagahan ng Salita ng Diyos. Bawat isa ay mabuting pakinabang sa tao.

I. Ang Pagiging Sakdal ng Kautusan ng Panginoon ay Nagpapanauli sa kaluluwa, v 7

II. Ang Pagiging Tunay ng Patotoo ng Panginoon ay Nagbibigay ng Karunungan sa Payak na Isipan, v 7

III. Ang Pagiging Makatuwiran ng Utos ng Panginoon ay Nagpapagalak sa Puso, v 8

IV. Ang Pagiging Dalisay ng Tagubilin ng Panginoon ay Nagbibigay ng Hustong Pang-unawa, v 8

V. Ang Pagiging Malinis ng Takot sa Panginoon ay Nananatili Magpakailanman, v 9

VI. Ang Pagiging Makatarungan ng Hatol ng Panginoon ay Ganap na Matuwid, v 9

VII. Higit pa sa Dalisay na Ginto at Matamis na Pulot, ang Salita ng Panginoon ay Nagdudulot ng Lubos na Kasiyahan, v 10

Sa dami ng mga aklat sa kasalukuyang panahon, sinasabi na ang Biblia pa rin ang pinakamabili sa lahat (bestseller). Subalit, ito rin kaya ang pinakamahalagang aklat para sa isang tao? Gaano kahalaga para sa iyo ang Biblia?

-----------------------------------------------------------------------------------

Go Back to Website
--------------------

ANG PUNDASYON NG MAPALAD NA BANSA

Enero 8, 2017 -  ANG PUNDASYON NG MAPALAD NA BANSA(Awit 33)

(Awit 33:12)Mapalad ang bansang si Yahweh ang Diyos; mapalad ang bayang kanyang ibinukod.

Ang Awit 33 ay isang kumpletong imno. Ginagamit ang imnong ito sa pagpupuri sa Diyos, at sa pagtuturo ng mga katangian ng Diyos na kanilang niluluwalhati. Bagamat ang Awit 33 ay hindi kabilang sa tinatawag na Torah- psalms o mga awit na nakasentro sa Kautusan ng Diyos, malinaw na mababasa rito ang emphasis sa Salita ng Diyos.

Ang pundasyon ng mapalad na bansa ay ang Diyos at ang Kanyang Salita.

I. Inilalarawan ng Psalmista ang Kaugnayan ng Diyos at ng Kanyang Salita sa Kanyang Gawa ng Paglikha. vv 4-9

   A. Ang Kabutihan ng Diyos at ng Kanyang Salita.

       1. Ang Salita ng Panginoon ay matuwid.

       2. Ang mga gawa ng Panginoon ay batay sa katapatan.

       3. Iniibig ng Panginoon ang katuwiran at kahatulan

       4. Ang lupa ay puno ng Kanyang kagandahang- loob.

   B. Ang Salita ng Diyos ay mapananaligan.

       1. Nilikha ang lahat sa pamamagitan ng Kanyang Salita.

       2. Ang lahat ng tao ay dapat magkaroon ng pagkatakot sa Diyos.

           a. Dahil ang Kanyang Salita ay nangyayari.

           b. Dahil ang Kanyang utos ay mapanghahawakan.

II. Inilarawan ng Psalmista ang Soberenya at Presensiya ng Diyos sa mga Bansa, at Itinuon sa Mapalad na Bansa vv 10-15

   A. Ang karunungan ng mga bansa ay walang saysay kung lihis sa Salita ng Panginoon.

   B. Ang karunungan ng Panginoon ay mapanghahawakan magpakailanman.

   C. Pinagpapala ng Diyos ang bansa na nananalig sa Kanya.

   D. Ang presensiya ng Diyos ay nararanasan ng mga bansa, lalo na ng Kanyang mga hinirang.

       1. Ang Diyos ay presente sa Kanyang nilikha.

       2. Ang Diyos ang humubog sa puso ng tao.

Ang susi sa mapalad na pag-unlad ng bansa ay ang pananalig sa Diyos at sa Kanyang Salita. Kahit gaano kahusay ang mga polisiya o plano ng isang bansa, subalit kung ito naman ay walang lugar sa Diyos at sa Kanyang Salita, ito ay magiging pansamantala lamang dahil ang Diyos mismo ang sisira nito.

--------------------------------------------------------------------------------------------------------------------------